Mutu Wotatika

Munzi wonse wa mu Afilika wa wungana mu luŵanza nsita ya mcingulo. Pali kanema ikulu na cowoneshelapo. Awo awungana owona vithunzi-thunzi va Yesu (Yesu filimu). Ŵeve opukunya mitu yawo powona Yesu opacikiwa. Posila kwa filimu, amfumu a mu munzi olaŵila na msambizhi nakuti opangwa kuziŵa vinyinji va Yesu. Ovomela kuti Yesu ecifwa pa viyipa vawo. Koma peciluta ku ng’anda, etatika kulingilila pa kuzipeleka kwa Yesu na kufwa cikomo ca miluvyo yawo. Nipo oziŵalini keno miluvyo yawo yonse yelekelelewa cendi. 
Msambizhi ewuzha amfumu kuti keno ovomela cendi Yesu kuti ni mpuzumushi wawo pa miluvyo nakuti apuzumushiwa. Pa miluvyo yonse.
Amasano ŵa mfumu esakila msambizhi kukonsha va Yesu.
Msambizhi ewuzha yumo mwa amasano kuti keno ovomela kuti Yesu ecifwa cikomo ca miluvyo, masano akaŵe na moyo wa mtatakuya. Amfumu oŵelenga mu Bayibo nosambizha a mu ng’anda mwawo pa vokonkha Yesu notumikila. Ŵanthu a mu munzi owona kusintha kwa umoyo wa mfumu.

Makonsho pa volaŵizhana

  1. Kulingan na msambizhi, muthu ocetekela tyani mwa Yesu?
  2. Ni cinji cupangisha amfumu kukayika cipuzumusho cawo?  Asambizhi oŵawuzha cinji?
  3.  Ungaziŵe tyani kuti wapuzumushiwa?
     

Mutu waciŵili

Munzi uwungana pamo kuzolomba nosambila va Mulungu. Msambizhi oŵakosesha kupitila mu nkhani ya Zakeyo.
Yesu oluta kuyokulya ku ng’anda ya Zakeyo. Zakeyo peenze na Yesu nsiku yala, yeve ezipeleka kuzhosha veciyiŵa ku  ŵanthu a mu munzi.
Amfumu eciyowona munthu weciyifyila, zina yake Yosefe. Yosefe ewuzha amfumu na mwana wawo kuti cipembezo cawo niciyipa cikomo amfumu ni munthu muyipa. Ovomezhalini mwana wawo kuti awotolako mbali ku cipembezo. Koma amfumu elaŵila kuti Yesu eŵawuzha kuti azhoshe malo nopapata. Yosefe aliyocetekele. Koma amfumu eciti Yesu ni mfumu ya mafumu, olamulila moyo wake. Amfumu osenga Yosefe kuti avomezhe mwana wawo kuwela ku misonkhano.
Amfumu okonsha va amasano ŵawo kuŵatemwa molinganizha. Msambizhi olaŵila malingililo ŵa Mulungu pa ulunguzi. Osambizha kuti amfumu asamalile amasano ŵawo na cisomo ca Mulungu, koma osenga mfumu kuti isalungulilepo amasano ayakine.
Pa msonkhano wokonkhapo, mwanakazi elaŵila kuti Yesu wasamalila moyo wake wa uweka pomutumila anakazi aŵili  emuwonesha cinthemwa, kumuwuzha va Yesu, nomuwuzha vowela ku misonkhano. Yosefe ewona msonkhano kunja, koma ekana kuloŵa mu msonkhano. Amfumu eciŵa na mulimo wozhosha vinthu vonse vecitola va ŵanthu ayakine.

Makonsho pavolaŵizhana

  1. Kansi upangwa kuwungana na ayako keno uyezha kuyenda na Yesu?
  2. Amfumu esintha tyani pa umoyo wawo mwa Mulungu na ku  ŵanthu ayakine ŵenzokatizhana nawo mu munzi?
  3. Kansi ni cinji cukosa kwa mwewo kukatazhana na ayanu mu munzi?

Mutu wacitatu

Alumbwana aŵili etatika kulwa nipo msambizhi eŵayita. Etolapo yumu kuti amuwamye, koma mulumbwana wala ewutuka. Anyina emukalipila kuti osalwa nipo emuwamya. Anyina aliyowone kusintha mwa mwana wawo.
Msambizhi pa ng’anda yake efwana mwana wala. Mulumbwana ula elaŵila kuti opangwalini kulwa, koma ayake emuseka. Omunyata cikomo yeve evomela mwa Yesu. Msambizhi emukumbusha kuti Yesu osambizha kutemwa alwani ŵanu. 
Msambizhi emuwuzha pa mitundu iŵili ya Akhilisitu. Mtundu wotatika niŵala osunga tyala moyo wawo, pa mbali pa vonse vakulaŵila Mulungu. Mtundu uyakine niŵala otanguliliwa na Mzimu Mtuŵa. Yeve ovomela kuŵa na Yesu nonkhala moyo wa cikhilisitu. Waciŵili onkhala moyo wocetekela nomvwila. Yeve olitwala kwa Yesu.

Makonsho pavolaŵizhana

  1. Kansi mulumbwana ocita cinji ni pa mulandu wanji?
  2. Msambizhi omuwuzha cinji pa za mphamvu ya Mzimu?
  3. Kansi wewo niwe msambili wotyani? Kansi ungacite cinji kuti ulandile Mzimu?

Mutu wacinayi

Alumbwana ŵala amwana ŵamo opangwa soti kulwa na mulumbwana. Koma yeve eŵaletela cawanzi nipo eŵapapatila kuti opangwalini kulwa nawo. Ŵamo aliyopangwe kucita mtendele na yeve. Koma mulumbwana elaŵila kuti Yesu opangwa mtendele nakuti epapata.
Alumbwana ekonsha msambizhi vecicita ku mulumbwana kuti asinthe. Msambizhi na mulumbwana eŵawuzha va Yesu. Msambizhi eciti mbali ya Yesu ni kutipa Mzimu nakuti mbali yasu ni kumvwila Mzimu Mtuŵa. Alumbwana opangwa kuti moyo wawo usinthe nakuti avomele mwa Yesu.

Makonsho pavolaŵizhana

  1. Mulumbwana ecita nawo tyani ayake pa sintho ya moyo wake?
  2. Ayake eciwona tyani? What change do they see in the boy?/ Ayake ewona sintho yotyani mu mulumbwana wala?
  3. Mphamvu ya Mzimu Mtuŵa yesintha tyani myoyo yanu?

Mutu wacisano

Kuyenda na Yesu nicipepulini. Kuli nkhondo za uzimu. Anakazi a mu munzi olaŵila za wowa wawo na nkhondo zawo. Ŵanthu ocetekela okosesha munthu asacetekela mwa Yesu, kuŵa ocetekela mwa Yesu.
Yosefe na msambizhi olaŵila pa vicito vepangika peenze akaliyokuŵa ocetekela. Myoyo yasu ikaŵa mwa Yesu, tupangwika kukula noyika vonse mwa Yesu. Ivi vingacitike keno tuŵelenga Bayibo, kumvwa Malizu ŵa Mulungu, nolomba paweka nowungana pamo na ayakine. Msambizhi ewuzha Yosefe kuti akonshe Mulungu vinthu vingaŵe viweme kwa yeve nocita vinthu vomcinzika Mulungu.

Makonsho pavolaŵizhana

  1. Ni nkhondo zanji zokukumana  nazo ŵanthu ali mu nkhani iyi?
  2.  Kansi mu khilisitu okonzeka tyani pa yeve yeka nkhondo za uzimu?
  3. Kansi mulingilila kuti nkhondo izi zutiyavya tyani kuwamya cicetekelo na moyo wopula kuyenda na Yesu?

Your encouragement is valuable to us

Your stories help make websites like this possible.